قاطو السيليكون
السلام عليكم احباب أخبار السكن في الجزائر اليوم جبنالكم قاطو ساهل و بنين و لقى كثير استعمال عند الناس في الاونة الاخيرة كان معروف عند ناس عين الدفلى و درك راه في كل مكان نبداو على بركة الله بالمقادير لي هي
فرينة
فرينة
2 بيضات
250 غ زبدة طرية
5 مغارف سكر رطب
5 مغارف حليب غبرة
5 مغارف مايزينة تع الأكل
مغرف صغيرة تع خميرة كيميائية
1 لفاني
للتزيين
جلجلان و عسل و لاجولي ملون
نبداو في طريقةالتحضير نحطو الزبدة الطرية و السكر و الحليب و المايزينة و البيض و لافاني
و نخلطهم مليح حتى ترجع مثل الكريمة
بعدها نقوم بإظافة الفرية حتى نتحصل على عجينة طرية و نضيف معاها المغرف الصغيرة تع الخميرة الكيميائية
بعد ما ضفنا الفرينة نتحصلو على عجينة نشكلو كريات صغيرة قيس المول لي عندك
بعد لي شكلنا الكريات درك نغمسوهم في الجلجلان مباشرة الى المول تاعنا
درك بعد لي حطينا الكريات في المول تاعنا رايحين نبعتوهم للكوشة بش يطيبو و طبعا المدة و درجة الحراة كل وحدة و الكوشة تاعها درك نروحو نمرو لللاجولي و تلوينو نشوفو الصورة
طبعا الحلوة تاعنا كي تطيب نعسلوها و بعدبن لما تنشف شوية نعملولها لاجولي و اللون يبقى اختياري
ان شاء الله تكون عجبتكم الوصفة و بالصحة و الهنا
سلااااااااام
